好消息再傳來！我哋診所嘅客人、香港滾軸溜冰代表李悦意，憑住多年來默默耕耘同堅持不懈，喺花式繞樁項目世界排名成功攀升至第一位，早幾日更喺米蘭舉行嘅自由式輪滑世界盃勇奪兩面金牌！🏆 見到佢日復日咁刻苦訓練，背後仲要面對唔少傷患同挑戰，我哋團隊真係感到非常鼓舞，同時亦好榮幸可以用專業嘅治療支援，陪伴佢走過康復同備戰嘅每一步，協助處理痛症同傷患，支持佢安心訓練，繼續喺世界舞台上發光發亮。✨ 🫶🏻我哋嘅治療師同事都為佢嘅成就感到與有榮焉！🫶🏻早前佢亦接受咗米紙專訪，大家不妨一齊睇片，支持一下呢班默默努力嘅香港運動員！👇 🔗 https://youtu.be/MXaNe1_O-54?si=FrOSnTQv96zYMDJI #物理治療 #運動物理治療 #滾軸溜冰 #世界第一 #香港運動員 #延長運動生涯 #運動傷患管理 #港隊物理治療

今日我哋診所嘅物理治療師 楊嘉熙先生 應九龍婦女聯會同大灣區企業發展協會嘅邀請，去咗旺角維景酒店同西九龍區嘅老友記們見面，舉辦一場好有意義嘅「痛症治療和防跌講座」！今次主力同大家傾下老人家最常遇到嘅「頸腰背痛」同膝頭痛問題，順便分享長者防跌資訊以及即場同大家做「義診」。 今日現場氣氛真係超好，台下嘅老友記玩得好投入，見到佢哋一齊舉手跟住做運動，成個場活力滿滿！有意義嘅義務工作同老友記互動，見到即時改善真係最滿足！ 最開心嘅係除咗講理論，仲即場教咗幾組喺椅上面都做到嘅治療運動。有幾位老人家做完兩組肩頸拉伸，即刻好驚喜咁同我講：「條頸即時鬆返好多，關節靈活咗！」；亦有老友記原本話坐低起身膝頭哥成日有「啪啪」聲，跟我調整完下肢擺位再試，聲音即時無咗！ 見到佢哋重拾笑容同埋讚嘆物理治療運動好有效嘅表情，真係覺得自己每日做緊嘅工作、甚至專登請半日假嚟做義工，都非常有意義。感希望今日嘅小分享可以幫到佢哋繼續精靈活潑！ 樂動預健及物理治療中心 Happy Prehab Physiotherapy Centre 另外，am730 的報導，詳情可在以下網址了解更多

Hyrox 盛行，相信不少運動員剛挑戰完那充滿體力與意志力的賽道！🔥 賽後那種肌肉痠痛（DOMS）和全身乏力，其實是身體修復的信號。作為物理治療師，我想分享如何透過科學的方法，加速身體重回最佳狀態。💪 1️⃣ 賽後即時：主動式恢復（Active Recovery）🚶‍♀️ 剛衝過終點，切記不要立刻坐下或躺平！ 建議：進行 10-15 分鐘的低強度散步，這有利於肌肉泵血，加速血液循環協助代謝廢物排走，並減緩賽後即時的血壓波動。 2️⃣ 黃金 24 小時：控制發炎與水分補給 💧 Hyrox 涉及大量離心收縮（如 Lunge 踏步），會造成細微的肌肉損傷。 水分與電解質:補充足夠的鈉、鉀、鎂，以防止抽筋。 睡眠：這是最重要的康復環節！💤 深層睡眠期間分泌的生長激素（HGH）是修復肌肉組織的關鍵。 3️⃣ 物理治療介入：緩解筋膜張力 🧘‍♂️ 賽後的肌肉往往處於過度緊繃狀態。 自我筋膜放鬆： 可使用滾筒（Foam Roller）針對大腿前側（Quads）、小腿（Calves）及下背部進行輕柔按壓放鬆，而非長時間「死壓」痛點。 ...

當客人條頸痛得好犀利嘅時候，都會諗：「會唔會有啲咩嚴重嘢？要唔要即刻照 MRI 睇清楚？」，覺得唔照就唔安心。其實2025 年嘅指引話俾我哋知：如果冇明顯紅旗徵象🚩（例如扭傷後突然惡化、發燒🤒、體重急跌、手腳無力或麻痺加劇、夜間痛到瞓唔着🫩等），大部分頸痛喺頭幾星期都唔需要即刻做影像檢查。🔍 又或者咁講，喺西醫同物理治療嘅檢查入面，其實已經大致可以幫患者作出臨床診斷🧑🏻‍⚕️，用嚟指導治療方向。例如作為物理治療師，我會先同客人詳細問診，嘗試查找病因，再根據患者情況，幫佢做一啲特殊測試（例如 Spurling test 頸椎壓迫測試、頸椎活動度測試、肌力測試、神經張力測試等），透過有系統嘅臨床檢查，一般都已經足夠找出病因，指導往後的治療，唔係下下都一定需要照磁力共振先可以做到診斷同治療。 相反，過早照 MRI 有時反而會帶來反效果。過去都有研究證實，好多無症狀嘅人，MRI 都會見到椎間盤突出、退化、骨刺🦴等變化（20 多歲已經有 15–20% 人有類似發現，60 歲以上超過 85%）。通常患者一睇到報告寫「突出」「退化」，好容易嚇親自

好多客人頸痛嘅時候都會諗：其實平時都想做運動㗎啦，只係冇堅持到，如果有keep住做，可能而家頸痛唔會咁嚴重。不過而家痛緊，又唔知做唔做得，如果要做嘅話，到底做邊種運動先啱呢？ 我喺診所每日見到唔少頸痛個案，除咗建議患者做我哋教嘅治療性運動（伸展、肌力、協調訓練等）外，我通常都會鼓勵揀自己有興趣、又可以長期keep住做嘅運動。2025 年一篇 network meta-analysis 比較咗好多類型運動（阻力訓練、伸展、穩定訓練、瑜伽、太極等），發現大部分運動都可以幫減痛同改善功能，但最緊要係持續同適合自己。 例如瑜伽、太極、游泳、快步行、頸肩穩定訓練等，只要動作適合、強度適中，都可以幫到頸部保持靈活同穩定，痛楚慢慢減少 🏃‍♂️ 我見過好多客人一開始驚做運動會痛，但試過簡單動作之後，發現「郁多啲反而舒服啲」，信心就返嚟咗，之後佢哋會自己揀瑜伽或普拉提繼續做。 其實好多時，適量同持續嘅運動係幫頸痛好轉嘅重要一步。日日keep住做啲適合自己嘅運動，頸部會慢慢好返 😌 如果你對瑜伽、普拉提有興趣，又唔太肯定點樣做得安全，歡迎留言分享你嘅情